BBC Kashmir

  باجوڑ میں نامعلوم افراد کی فائرنگ سے پاکستان تحریک انصاف (پی ٹی آئی) کے حمایت یافتہ امیدوار ریحان زیب جاں بحق ہوگئے۔ پولیس کے مطابق مقتول قومی اسمبلی کے حلقہ این اے 8 سے الیکشن میں حصہ لے رہے تھے، نامعلوم افراد نے صدیق آباد میں ریحان زیب پر فائرنگ کی جس سے وہ جاں بحق ہوئے۔ پی ٹی آئی نے ریحان زیب کو قتل کرنے کی شدید مذمت کی۔ ترجمان نے کہا کہ دہشتگرد کارروائیاں انتخابات کی ساکھ اور شفافیت پر بڑا سوالیہ نشان ہیں، سبی میں ریلی پر حملہ اور باجوڑ میں امیدوار کے قتل کی ذمہ دار نگراں حکومتیں ہیں۔ ترجمان نے کہا کہ امیدواروں کے تحفظ کی ذمہ داری میں نگراں حکومت ناکام ہو چکی، مقتول کے قتل کی فوری تحقیقات اور مجرمان کو کیفر کردار تک پہنچایا جائے، امیدواروں کو مکمل سکیورٹی فراہم کی جائے۔ امیدوار کے قتل کا واقعہ پیش آنے کے باعث این اے 8 اور پی کے 22 پر الیکشن ملتوی کر دیا گیا۔

  اڈیالہ جیل میں قائم آفیشل سیکرٹس ایکٹ عدالت میں سٹیٹ ڈیفینس کونسل کی جانب سے گواہان پر جرح جاری ہے۔ صحافی قاضی رضوان اور جیل حکام نے سماعت کے احوال کے حوالے سے بتایا کہ جب سابق پرنسپل سیکریٹری اعظم خان پر جرح مکمل ہوئی تو اس دوران سابق وزیر خارجہ شاہ محمود قریشی نے سٹیٹ ڈیفینس کونسلز پر اعتراض کیا۔ اس موقع پر جج ابو الحسنات نے ریمارکس دیے کہ ’آپ خاموشی سے بیٹھ جائیں ورنہ آپ کو کمرۂ عدالت سے باہر نکال دیا جائے گا۔‘ سماعت کے دوران بانی پی ٹی آئی عمران خان اور شاہ محمود قریشی نے آفیشل سیکرٹ ایکٹ عدالت کے جج پر عدم اعتماد کا اظہار کیا۔ تاہم عدالت نے دلائل سننے کے بعد سائفر کیس نہ سننے کی درخواست کو ناقابل سماعت قرار دیتے ہوئے مسترد کر دیا۔ عمران خان کے وکیل سلمان صفدر کے اعتراضات پر جج نے ریمارکس دیے کہ ’سپریم کورٹ کے فیصلے سے کوئی انکاری نہیں۔ سپریم کورٹ نے یہ بھی کہا تھا کہ اگر کیس میں رکاوٹیں آتی ہیں تو ضمانت منسوخ کی جاسکتی ہے۔ جب ملزمان جیل میں ہوں تو سماعت روزانہ کی بنیاد پر ہوتی ہے۔‘ ایک موقع پر شاہ محمود قریشی نے کہا کہ ’جج صاحب ضمانت مل بھی گئی تو ہم نے اندر ہی رہنا ہے۔‘ ڈیف...